Жауапты хатшы

29 тамыз 2016

РАХЫМЖАНОВ ӘМІРХАН МҰРАТБЕКҰЛЫ

1960 жылы Шығыс Қазақстан облысы Үржар ауданы Бестерек кентінде дүниеге келді. Семей педагогикалық институтын тарих және қоғамтану пәнінің оқытушысы мамандығы бойынша, Қазақ қаржы-экономикалық институтын экономист-менеджер мамандығы бойынша бітірген. Тарих ғылымдарының кандидаты, саяси ғылым докторы, профессор.

1977-1978 жж. – Семей облысы Үржар ауданы Чапаев атындағы колхоз жұмысшысы.

1978-1980 жж. – Кеңес Армиясының қатарында қызмет атқарды.

1981-1990 жж. – орта мектеп оқытушысы, колхоздың комсомол комитетінің хатшысы, Ленин атындағы колхоздың партия комитетінің хатшысы.

1990-1991 жж. – Қазақстан Компартиясы Үржар аудандық комитетінің саяси ағарту кабинетінің нұсқаушысы, меңгерушісі.

1991-1995 жж. – мектеп-лицей директоры, Семей облыстық білім департаменті бастығының орынбасары – облыстық педагогикалық кадрлардың біліктілігін арттыру институтының директоры.

1995-1999 жж. – Семей қалалық білім беру басқармасының бастығы, Семей облыстық білім беру департаменті бастығының бірінші орынбасары, Шығыс Қазақстан облысы Бесқарағай ауданы білім беру бөлімінің меңгерушісі, білім беру, жалпы әкімшілік жүйесі мен жапон тілін үйрену мақсатында мемлекеттік қызметшілермен алмасу жобасы бойынша Жапонияда тағлымдамадан өтті.

1999-2001 жж. – Қазақстан Республикасы Денсаулық сақтау, білім және спорт министрлігі Орта және кәсіби білім комитетінің басқарма бастығы, Қазақстан Республикасы Білім және ғылым министрлігі Орта білім департаменті директорының орынбасары.

2001-2003 жж. – Қазақстан Республикасы Премьер-Министрінің Кеңсесі Әлеуметтік-мәдени даму бөлімінің сектор меңгерушісі, бөлім меңгерушісінің орынбасары.

2003-2006 жж. – Астана қаласы білім департаментінің бастығы.

2006-2008 жж. - Қазақстан Республикасы Президенті Әкімшілігінің бас инспекторы, Ақтөбе облысы әкімінің орынбасары, Қазақстан Республикасы Мәдениет және ақпарат вице-министрі.

2008-2010 жж. – Астана қаласы әкімінің орынбасары.

2010-2012 жж. – «Нұр Отан» Халықтық-Демократиялық партиясының Астана қаласы бойынша филиалы төрағасының бірінші орынбасары, қосымша жұмысы Қазақ-Ресей университетінің саясаттану кафедрасының (0,25%) профессоры.

2012-2014 жж. – Қазақстан Республикасы Президенті Әкімшілігінің Мемлекеттік бақылау және аумақтық-ұйымдастыру жұмысы бөлімінің меңгерушісі.

2014 жылғы мамырдан бастап 2015 жылғы қарашасына дейін – V шақырылған Қазақстан Республикасы Парламенті Мәжілісінің депутаты, «Нұр Отан» партиясының мүшесі, партиялық тізім бойынша сайланған.

2015 жылғы 16 қарашасынан бастап - Қазақстан Республикасы Білім және ғылым министрлігінің Жауапты хатшысы.

«Қазақстан Республикасы білім беру үздігі», Қазақстан Республикасының Құрмет грамотасымен, «Құрмет» орденімен, мерекелік медальдармен марапатталған.

Жапон және ағылшын тілдерін еркін меңгерген.

Үйленген, үш қызы және немерелері бар.

Қабылдау бөлмесі: +7 (7172) 74-17-68