Бақытжан Сағынтаев Жоғары ғылыми-техникалық комиссия отырысын өткізді

Бакытжан Сагинтаев провел заседание Высшей научно-технической комиссии 13.03.2018

Бүгін Үкімет үйінде ҚР Премьер-Министрі Бақытжан Сағынтаевтың төрағалығымен Қазақстан Республикасы Үкіметінің жанындағы Жоғары ғылыми-техникалық комиссияның отырысы өтті.

Отырыс барысында отандық ғылымды дамыту мәселесі талқыланды. Соның ішінде, 2018–2020 жылдарға арналған ғылыми, ғылыми-техникалық бағдарламаларды бағдарламалық-мақсатты қаржыландыру жоспарлары қаралды.

Бұл мәселе бойынша білім және ғылым министрі Е. Сағадиев баяндама жасады.

Сондай-ақ, талқылауға Жоғары ғылыми-техникалық комиссия мүшелері қатысты: ҚР Премьер-Министрінің орынбасары Е. Досаев, қорғаныс және аэроғарыш өнеркәсібі министрі Б. Атамқұлов, қаржы министрі Б. Сұлтанов, «Қазақстан Республикасының ұлттық ғылым академиясы» республикалық қоғамдық бірлестігінің президенті М. Жұрынов, «ҚазМұнайГаз» өндіру және бұрғылау технологиялары ғылыми–зерттеу институты» ЖШС бас директорының кеңесшісі Ж. Күлекеев және т.б.

Анықтама: Ғылыми және ғылыми-техникалық бағдарламалар әртүрлі салаларда, соның ішінде табиғи ресурстарды ұтымды пайдалану; энергетика және машина жасау; ақпараттық, телекоммуникациялық және ғарыштық технологиялар; жаратылыстану ғылымдары, өмір туралы ғылымдар және денсаулық саласындағы ғылыми зерттеулер, «Мәңгілік ел» ғылыми негіздері және т.б  бағыттар бойынша ұсынылған.

https://primeminister.kz/kz/news/all/16148


Сайт картасы

Қазақстан Республикасының Білім және ғылым министрлігі 010000, Астана қаласы, Мәңгілік ел к-сі, 8.

Телефон: +7 (7172) 74-24-25 e-mail: press@edu.gov.kz