Алғаш рет жекеменшік мектептер мемлекеттік білім беру тапсырысын ала бастады

Впервые  частные школы начали  получать государственный образовательный заказ 03.12.2019

"Білім туралы" Қазақстан Республикасының Заңында жекеменшік мектептердің мемлекеттік білім беру тапсырысын алуы көзделген.

Жекеменшік мектептерде мемлекеттік білім беру тапсырысын орналастыру үдерісі 2019 жылдан басталды. Осы мақсаттарға 3 жылдық бюджетте 56 млрд. теңгеден астам қаражат көзделген, бірақ бұл қаражат бюджетті атқару барысында секвестрлеуге жатпайды.

Бүгінгі таңда республикамыздың 108 жекеменшік мектебінде 30 мыңнан астам орынға мемлекеттік білім беру тапсырысы орналастырылды.

Жан басына шаққандағы қаржыландыру тетігі енгізілгелі бері қысқа уақыттің ішінде 70 жекеменшік мектеп ашылды. Соңғы 10 жылда биыл жекеменшік мектептер көбірек ашылды.

Сонымен қатар, 2020-2021 жылдары 90-нан астам жекеменшік мектеп ашылады деп күтілуде.

Жекеменшік мектептерде мемлекеттік білім беру тапсырысын орналастырудың мақсаты:

- оқушы орындарының тапшылығын қысқарту;

- жеке меншік мектептер желісін кеңейту;

- жаңа озық педагогикалық әдістемелер мен білім беру бағдарламаларын енгізу;

- оқушыларды қосымша біліммен қамту.

Мемлекеттік білім беру тапсырысын алуға жаңадан ашылған барлық жекеменшік мектептер үміткер бола алады.

Сонымен қоса, жекеменшік мектептер құрылыс және рекоснтрукция жасау жолымен ашылған жағдайда инвестициялық шығындарды өтеуге мүмкіндік беретін ұлғайтылған мөлшер төленеді.


Сайт картасы

Қазақстан Республикасының Білім және ғылым министрлігі 010000, Нұр-Сұлтан қаласы, Мәңгілік ел к-сі, 8.

Телефон: +7 (7172) 74-24-11