Баянауыл ауданы оқушылары үшін маңызды жағдай

25 ақпан 2017

23 ақпан Баянауыл ауданына қарасты Жаңажол, Күркелі, Шөптікөл, Торайғыр, Ақсан ауылдық округінің тұрғындары мен оқушылары үшін ерекше қуанышты күн болды. Аудандық мәдениет үйінің жанында Баянауыл ауданының шалғайдағы елді-мекендерде тұратын балаларды жалпы орта білім беру ұйымдарына тасымалдау үшін ауылдық округтерге судай жаңа ПАЗ-32053 автобустарын салтанатты түрде табыстау рәсімі өтті.

Автобус кілттерін табыстау рәсімінде аудан әкімі О.Ә.Қайыргелдинов аудан бойынша 10 мектепке 8 ауылдық округке қарасты 9 елді-мекеннен оқушыларды тасымалдау жүргізілетінін айтты. Бүгінде 5 автобус кілті табысталды. Баянауыл ауылына берілетін 1 автобус наурызда алынады. Ағымдағы жылы облыс әкімі Болат Жұмабекұлы Бақауовтың тікелей қолдауымен 55446,0 млн.теңге қаражат ауданымыздың 6 ауылдық округі: Баянауыл, Ақсан, Жаңажол, Шөптікөл, Күркелі және Торайғыр ауылдарының дамуына бөлінген.
Ақсан ауылдық округінің ардагер ұстазы және тұрғыны Қабыкен Әлжанұлы Әлжанов ата-аналар қауымының атынан алғыс айтты.