Жоба жайлы

Жариялау күні: 23.07.2018

Жоба туралы 

Жастар корпусын дамыту жобасы Қазақстан Республикасы Білім және ғылым министрлігімен (ҚР БҒМ) іске асырылады. Жобаның мақсаты жастардың, әсіресе әлеуметтік тұрғыдан осал топтарының қоғамдастық өміріне тартылуын ынталандыру, сондай-ақ қоғамдастықтың игілігі жолындағы қоғамдық пайдалы қызмет дағдыларына оқыту бағдарламасы арқылы олардың өмірлік маңызы бар дағдыларын дамыту болып табылады. 

Жобаның іс-шаралары үш компоненттің төңірегінде ұйымдастырылған: 

1-компонент: Қоғамдық пайдалы қызмет дағдыларына оқыту және өмірлік маңызы бар дағдыларды дамыту бағдарламасын қолдау; 

2-компонент: Жастар саясатын іске асыру бөлігінде Білім және ғылым министрлігінің институционалдық дамуын қолдау; 

3-компонент: Жобаны басқаруды, мониторингтеуді және бағалауды ұйымдастыру.  


ЖАСТАР КОРПУСЫН ДАМЫТУ ЖОБАСЫ 1-КОМПОНЕНТІНІҢ ІСКЕ 
АСЫРЫЛУ НӘТИЖЕЛЕРІ БОЙЫНША ҚЫСҚАША АҚПАРАТ

2017 жылы Жоба 4 облыстың аумағында іске асырылды: Алматы, Қарағанды, Павлодар және Оңтүстік Қазақстан.

Үш кезеңді конкурстық іріктеудің қорытындысы бойынша гранттық қаржыландыруды 2 000 қатысушы немесе 589 жоба алды. Бір жобаны іске асыруға арналған гранттың мөлшері 1 000 000 теңгеге дейін болды.

Жалпы сомасы 556 млн. теңгеге 536 жоба (1 810 қатысушы) табысты іске асырылды және шамамен 479 млн. теңге әлеуметтік шәкіртақы төленді.

Гранттық бағдарламаға қала жастарының қатысуы басым болды (60%). Бұл ретте Алматы және Оңтүстік Қазақстан облыстарында ауыл жастарының гранттық бағдарламаға қатысуының үлкен пайызы байқалды (55%). Гранттық бағдарламаның қорытындысы бойынша Алматы (210 жоба) және Павлодар (170 жоба) облыстарының жастары белсенді болды.

Іске асыру кезеңінде 201 жоба білім беруге, 144 жоба - СӨС және спортқа, 96 - ауылды дамытуға, 105 - мәдениет пен бос уақытын өткізуге бағытталған, 59 - волонтерлік жоба, 29 - патриотизм және азаматтық белсенділік бойынша және т.б.

2017 жылы Жоба 27 қаланы, 67 аудан мен 119 ауылды қамтыды. Пилоттық аймақтарда өзгелердің арасында 37 тігін шеберханасы, 27 тілдік мектебі, 76 демалыс клубы, 79 спорт секциялары, 36 балаларды дамыту орталығы, 9 наубайхана және  ірімшік қайнататын өндіріс орны, 9 жылыжай, 37 сүт және ет өнімдерін өндіру цехы, 29 компьютерлік курсы, 38 сұлулық салоны және массаж кабинеті, 10 психологиялық қолдау кабинеті, 5 кондитерлік, 6 авто және ағаш шеберханасы ашылды.

2018 жылы Жоба Ақтөбе, Шығыс Қазақстан, Жамбыл, Қостанай, Қызылорда, Солтүстік Қазақстан облыстарында іске асырылды.

Үш кезеңді іріктеу қорытындысы бойынша грант алушылардың тізіміне 1027 кіші жоба (3 508 адам) кірді.

Жалпы сомасы шамамен 951 млн. теңгеге 940 жоба (3 155 қатысушы) табысты іске асырылды және шамамен 813 млн. теңге әлеуметтік шәкіртақы төленді.

2018 жылы гранттық бағдарламаға ауыл жастарының қатысуы басым болды (60%). Гранттық бағдарламаның қорытындысы бойынша Қызылорда (239 жоба), Жамбыл (199 жоба) және Ақтөбе (162 жоба) облыстарының жастары белсенді болды.

Жоба шеңберіндегі 251 жоба ауылды дамытуға бағытталған, білім беру саласында - 238 жоба, СӨС және спорт саласында - 135 жоба, мәдениет және демалыс саласында - 117 жоба, ғылым және техника саласында - 31 жоба, 26 волонтерлік жоба және т.б.

2018 жылы жоба 26 қаланы, 70 ауданды және шамамен 300 ауылды қамтыды. Алты облыста сүт және ет өнімдерін өндіру бойынша 149 шаруашылық, 37 шағын-құс фермасы, 53 наубайхана және ірімшік қайнататын өндіріс орны, 81 спорт секциясы, 49 тігін шеберханасы, 72 тілдік және компьютерлік курсы, 53 бос уақыт клубы, 20 балалар дамыту орталығы, 6 жылыжай, 18 сұлулық салоны, 24 авто және ағаш шеберханасы ашылды.

2019 жылы жоба Маңғыстау, Атырау, Ақмола, Батыс Қазақстан облыстарында, сондай-ақ Нұр-Сұлтан, Алматы қалаларында іске асырылуда.

Үш кезеңді іріктеу қорытындысы бойынша грант алушылардың тізіміне 1 063 кіші жоба (3 507 адам) кірді.

Ақмола облысы - 122 жоба (420 адам)

Атырау облысы - 257 жоба (811 адам)

Батыс Қазақстан облысы - 221 жоба (718 адам)

Маңғыстау облысы - 321 жоба (1069 адам)

Алматы қаласы - 84 жоба (291 адам)

Нұр-Сұлтан қаласы - 58 жоба (198 адам).

2019 жылы гранттық бағдарламаға ауыл жастарының қатысуы басым (64%).

3 раундтың кіші жобаларын іске асыру үшін жоспарланған сома 2 млрд теңгені құрайды.

 

ЖАСТАР КОРПУСЫН ДАМЫТУ ЖОБАСЫ 2-КОМПОНЕНТІНІҢ ІСКЕ
АСЫРЫЛУ НӘТИЖЕЛЕРІ БОЙЫНША ҚЫСҚАША АҚПАРАТ

Осы компонент шеңберінде мемлекеттік жастар саясатын іске асыруда, оның мониторингі және бағалануы бойынша техникалық көмек көрсету көзделген, оның ішінде: NEET санатындағы жастармен жұмыс істеу тетіктерін зерттеу; жастар арасында волонтерлікті дамыту; жоғары сынып оқушылары мен ТЖКБ ұйымдарының студенттеріне қоғамдық пайдалы қызметке деген позитивті қатынасты дамыту мен өмірлік маңызы бар дағдыларды жақсартуға бағытталған бейне құралдар шығару; сондай-ақ жастармен жұмыс жасайтын мамандардың біліктілігін арттыру. 

I. NEET санатындағы жастармен жұмыс істеу тетіктерін зерттеу (зерттеу, NEET санатындағы жастармен жұмыс бойынша нұсқаулық)

NEET санатындағы жастармен жұмыс жасау бойынша нұсқаулық

IIЖоғары сынып оқушылары мен ТжКБ ұйымдарының студенттеріне арналған бейне құралдар шығару

 

төмендегі сілтеме бойынша бейне әдістемелерді көріп, жүктей аласыз

https://www.youtube.com/playlist?list=PLPRuPCTg6hSYuHAGVjEtFVqIDri1aEpyv

III. Қазақстандағы жастардың қоғамдық пайдалы қызметке және волонтерлікке қатысуын арттыру

төмендегі сілтеме бойынша Стратегия жобасымен таныса аласыз

http://edu.gov.kz/upload/Files/3-Strategiya_polnaya_versiya-kaz.pdf

IV. Жастармен жұмыс жасайтын мамандардың біліктілігін арттыру


сілтеме бойынша Жастардың қоғам өміріне қатысуын бағалау және жас ұрпақтың адами капиталын өлшеу жөніндегі нұсқаулық

http://edu.gov.kz/upload/Files/rukovodstvom-po-otsenke-uchastiya-molodezhi-v-zhizni-obshchestva-i-iz...

Жобаның сатып алулар жоспары

Сатып алу

Үйлестіру агенттігінің сатып алуларына қатысу бойынша нұсқаулық

Жоба бойынша есептілік



Бөлімге оралу

Сайт картасы

Қазақстан Республикасының Білім және ғылым министрлігі 010000, Нұр-Сұлтан қаласы, Мәңгілік ел к-сі, 8.

Телефон: +7 (7172) 74-24-11